احذروا هذا الزائر المنتظر .. لأنه سيأتيكم فجأة

احذروا هذا الزائر المنتظر .. لأنه سيأتيكم فجأة
.
.
دخلت أنام زي كل يوم

بس اتاخرت ف النوم

فتحت عنيا لقيت ماما و بابا وإخواتي وأهلي حوليا بيعيطوا ومنهارين

خوفت أحسن يكون حد من قرايبنا مات
...
قومت اسألهم
اسال ماما مش بترد اسال بابا .. إخواتي .. كلهم مش بيردوا

مقدرتش استحمل حسيت إن حد بحبه اوي مات بس انا لسه مش عارف هو مين ومحدش راضي يرد عليا
قلت اقعد تاني ع السرير علشان اتمالك اعصابي
اتصدمت
وصرخت
وعيطت
وانهرت
مش ممكن
ده أنا
أنا مت
لا مش مصدق
رحت هزيت ماما وقلتلها لو بتحبيني ردي .. بس ولا كأني بحركها

أختي .. بابا .. خالتو ..كلهم نفس الحكاية

بقيت بجري حواليهم و أصرخ يمكن يحسوا بيا

ايه ده كلهم طلعوا ليه؟ ومين اللي دخلوا دول
ايه ده انتو بتغسلوني ليه أنا ممتش
حاولت اصرخ ..
اجري او اهرب
بس مفيش أي إحساس بيا
وكفنوني
حاولت أصرخ و ازق أيديهم
بس غطوا وشي وأنا عمال اصرخ وأكذب عنيّا بس مفيش فايده

شالوني وراحوا دفنوني

سمعت اللي بيقول

(كُلُّ نَفْسٍ ذَائِقَةُ الْمَوْتِ وَإِنَّمَا تُوَفَّوْنَ أُجُورَكُمْ يَوْمَ الْقِيَامَةِ فَمَنْ زُحْزِحَ عَنِ النَّارِ وَأُدْخِلَ الْجَنَّةَ فَقَدْ فَازَ وَمَا الْحَيَاةُ الدُّنْيَا إِلَّا مَتَاعُ الْغُرُورِ) (آل عمران185)

وحد تاني بيقول

(كُلُّ نَفْسٍ ذَائِقَةُ الْمَوْتِ وَنَبْلُوكُمْ بِالشَّرِّ وَالْخَيْرِ فِتْنَةً وَإِلَيْنَا تُرْجَعُونَ) (الانبياء:53)

(قُلْ يَتَوَفَّاكُمْ مَلَكُ الْمَوْتِ الَّذِي وُكِّلَ بِكُمْ ثُمَّ إِلَى رَبِّكُمْ تُرْجَعُونَ) (السجدة:11)

ساعتها بس صدقت

بس بقيت بقول يارب دقيقة واحدة طب استغفر وأتوب ، دقيقة واحدة اصلي ركعتين

(حَتَّى إِذَا جَاءَ أَحَدَهُمُ الْمَوْتُ قَالَ رَبِّ ارْجِعُونِ) (المؤمنون:99 (

بس خلاص ...

خلاص أترمى التراب عليا ومشيوا كلهم
وسابوني وحيد
سابوني لوحدي من غير ماحد يجي يطبطب عليا علشان مخفش

وحسيت ببكاء أمي
واللي جمبها بيقولها
" كل من عليها فان ,ويبقى وجه ربك ذو الجلال والاكرام "

بقيت عايز ارجع ابوس ايديها واقولها متعيطيش يا حبيبتي .. دموعك عندي أغلي من انها تنزل عليا .

ياتري قبري واسع ولا ضيق
منور ولا مضلم
ياتري هثبت عند سؤال الملكين
ياتري هعدي الصراط ويبقى مصيري الجنة .. ولا مش هعديه وهيبقي مصيري النار
وحاجات كتير جت في بالي

بقيت عايز اقول لأمي طب استغفريلي انتي

بقيت عايز أقول حاجات كتيررررررررررررررررر أوي
بس خلاص

أنتهي الوقت

.
.
.
.

هذا هو حالنا جميعا

لانعرف متي ستكون نهايتنا
ولا علي أي وجه سنلقى الله
ولا نعلم ما آخر شيء سنفعله قبل موتنا
لذا لا تناموا إلا وقد استغفرتم وتبتم من ذنوبكم
ولا تاخروا الأستغفار والتوبة من الذنوب